خنتـك : ومعذور .. !

خنتـك : ومعذور .. !


غبتي وخنتك .. مع حزني ، وضميته !
خنتك ومعذور .. لا صار الشتا هجرك


واخترت حزني .. لأني صدق ، حسيته !
يشبهك حضنه كثييير .. وكني بصدرك


يضم راسي .. على صدره ، وشمُيته !
واستنشقك وسط صدره ، وازفر بعطرك


حبيبتي لا متى .. والحزن / تسكيته !
اموت به حي .. واحيا ، ميت بذكرك


وانا حنيني .. شحّبني ، يوم غنيته !
والوُصل تبكي عيونه .. تنتظر عذرك


والبْرد يشعل ضلّوعي .. ليين دفيته !
والشوق ياما يقلّبني .. على جمرك


والليل يا كثر .. ما أبكاني ، وأشجيته !
عليك والشمس ماجابت .. لنا فجرك


والصْبر .. كل ما تلحفته ، ولميته !
اشوف نور القمر .. وابكي على ثغرك


واسهر مع الهُم .. اسولف بك وحكّيته !
عن طيشي إللي .. ابتدى في مقتبل عمرك


واعّود ابكي .. على كتفه ، وبكّيته !
ويطبطب يقول أرجع ، والتحف صبرك


حبيبتي كم سهرت الليل .. وافنيته !
وانا أضم الحزن .. واتخيلّه صدرك